Kimsa Pachakuna

Kimsa Pachakuna

Mariano Quispe Apucusi, Payachaka (ca. 1993)

 Awichukuna willawanchis imayna kaysay paqarisqanmanta kama, kimsa pachapi purinchis. Chay kimsa pachakunaqa kan: kaypacha, uckhupacha, janajpacha. Kaypachapi kunan kausanchik, ukhupachapi wañujtinchik ayanchik churasqa kan, janajpachataq animanchis pachakamaqman kutin. Jinataq kawsayninchista kaypachapi tukupunchik jina ayanchik ukhupachaman churasqa kan animanchiktaq janaqpachaman purin. Animanchik kaypachapi purisqanchikta chakinchikta pallan, pachakamaq wasinman, janajpachaman purinanpaq. Kay jallp’anchikpi apu mistipi janajpacha wasi kan. Anchaypi animakuna sapa p’unchaw wayk’ukunku anchaymanta juk kutikuna achkha q’ushni lluqsimun. Chay apumanta animakuna ayllumasinkuna qawaq kutimun.

Ichaqa, wakin runakuna mana allintachu kawsanku, juk runata, pachamamatapis ima nak’arichispa tiyanku, layqakuspa, p’ananakuspa, sipispa jina. Chay millay runa wañun jina, ayan mana ukhupachapi qipanchu, ayantin animantin kaypachaman kutimunku kawsasqanpi purisqanta pallaspa, anchaymi chay kukuchi kan. Wañuska aya kaypachapi ñak’ariyta qallarin. Chay purisqampi ñanpi runakunata mancharichin, kawsaq masinkunata qatipan. P’unchaypi kukuchi allqu jina rikhurin, utaq munay sipas jina rikhurin, ichaqa tutayaqtin millay kukuchiman kutipun. Ichaqa kukuchiqa mancharikunapuni challu challu makiyuk, chakiyuq thanta p’achayuq. Kukuchi millayta qaparin sapa tuta muyurispa maypis runatapis pachamamatapis ñak’arichirqan chaypi.

Chaymanta kukuchikuna Awsangate chhullunku apuman purinku. Sichus Awsangatiq patanman chayan jina ñak’arynin tukupun, jinataq janajpachaman kutipun, misti apuman purin. Chayrayku, lliw kawsayninta tukuspa Awsangate apu chakinman chayan, apu pataman lluqsinanpaq. Ichaqa, Awsangate apu ancha llust’akuna rit’iyuq ancha sayasqataq. Kukuchikuna chaypi wichayta munanku killantin, watantin, wiñaypaq makinkuwan chakinkuwan rachkhaspa tullupas tullullaña.

Chaypi wichayta qallarinku pisimanta pisi ichaqa wichasqankumanta llust’akuspa uraymanta jalaykunku wajmanta, wajmanta. Wakin uraypi kajkuna taripanku chakinmantapas p’achanmantapas jinataq urayman chutaykunku jinatan lliw apuq chakinman jalaykunku. Ajinata tuta p’unchaw qaparispa Awsangate kinraypi ñak’arinku, runakunaq q’upajina. Ancha pisillan Awsangati chullunku apuq patanman chayaspa, pachakamaqman kutinku. Chayrayku kaypachapi kawsaspa munayta kawsananchik, yanaparikuspa, munayta ayllu kawsayta llallirichispa.

Advertisements

About quechuand

Historian and Quechua Instructor at the University of Notre Dame
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s